ԹՎՈՑ29
- 1Եւ եօթներորդ ամսումն ամսի մէկին սուրբ ժողով լինի ձեզ համար. Ոչ մի ծառայական գործ չ’անէք. փող հնչեցնելու օր լինի ձեզ համար։
- 2Եւ Եհովայի համար իբրեւ անուշահոտ ողջակէզ մատուցրէք մէկ զուարակ, մէկ խոյ, եօթը հատ մէկ տարեկան անարատ գառներ.
- 3Եւ նորանց հացի նուէրը իւղով զանգուած բարակ ալիւր մէկ զուարակի համար երկու տասանորդ,
- 4Եւ եօթը գառներից ամեն մէկ գառի համար մէկ տասանորդ.
- 5Եւ ձեզ համար քաւութիւն անելու համար այծերից մէկ նոխազ մեղքի պատարագ.
- 6Բացի ամսամուտի ողջակէզից եւ նորա հացի նուէրից, եւ մշտնջենաւոր ողջակէզից եւ նորա հացի նուէրից եւ իրանց թափելու նուէրներից իրանց կանոնովը մատուցանէք անուշահոտ պատարագ Եհովայի համար։
- 7Եւ այս եօթներորդ ամսի տասին սուրբ ժողով լինի ձեզ համար, եւ ձեր անձերը խոնարհեցնէք, ոչ մի գործ չ’անէք։
- 8Եւ Եհովային համար իբրեւ անուշահոտ ողջակէզ մատուցրէք մէկ զուարակ, մէկ խոյ, եօթը հատ մէկ տարեկան գառներ. նորանք ձեզ համար անարատ լինեն.
- 9Եւ նորանց հացի նուէրը իւղով զանգուած բարակ ալիւր մէկ զուարակի համար երեք տասանորդ, մէկ խոյի համար երկու տասանորդ,
- 10Եօթը գառներից ամեն մէկ գառի համար մէկ տասանորդ.
- 11Եւ այծերից մէկ նոխազ մեղքի պատարագ բացի քաւութեան մեղքի պատարագից եւ մշտնջենաւոր ողջակէզից եւ նորա հացի նուէրից եւ նորանց թափելու նուէրներից։
- 12Եւ եօթներորդ ամսի տասնեւհինգերորդ օրը սուրբ ժողով լինի ձեզ համար. Ոչ մի ծառայական գործ չ’անէք. Եւ եօթը օր Եհովայի համար տօն կատարէք։
- 13Եւ Եհովայի համար ողջակէզ անուշահոտ պատարագ մատուցանէք տասներեք զուարակ, երկու խոյ, մէկ տարեկան տասնեւչորս գառներ. Անարատ լինեն։
- 14Եւ նորանց հացի նուէրը իւղով զանգուած բարակ ալիւր տասնեւերեք զուարակներից ամեն մէկ զուարակի համար երեք տասանորդ, եւ երկու խոյերից ամեն մէկ խոյի համար երկու տասանորդ.
- 15Եւ տասնեւչորս գառներից ամեն մէկ գառի համար մէկ տասանորդ։
- 16Եւ այծերից մէկ նոխազ մեղքի պատարագ բացի մշտնջենաւոր ողջակէզից եւ նորա հացի նուէրից եւ թափելու նուէրից։
- 17Եւ երկրորդ օրը տասնեւերկու զուարակ, երկու խոյ, մէկ տարեկան տասնեւչորս անարատ գառներ.
- 18Եւ նորանց հացի նուէրը եւ թափելու նուէրները՝ զուարակները խոյերի եւ գառների համար, իրանց թիւին համեմատ ըստ օրինի լինեն.
- 19Եւ այծերից մէկ նոխազ մեղքի պատարագ բացի մշտնջենաւոր ողջակէզից եւ նորա հացի նուէրից եւ թափելու նուէրներից։
- 20Եւ երրորդ օրը տասնեւմէկ զուարակ, երկու խոյ, մէկ տարեկան տասնեւչորս անարատ գառներ.
- 21Եւ նորանց հացի ընծան եւ թափելու նուէրները՝ զուարակների, խոյերի եւ գառների համար, իրանց թիւին համեմատ ըստ օրինի լինեն.
- 22Եւ մէկ նոխազ մեղքի պատարագ բացի մշտնջենաւոր ողջակէզից եւ նորա հացի նուէրից եւ թափելու նուէրից։
- 23Եւ չորրորդ օրը տասը զուարակ, երկու խոյ, մէկ տարեկան տասնեւչորս անարատ գառներ.
- 24նորանց հացի նուէրը եւ թափելու նուէրները՝ զուարակների, խոյերի եւ գառների համար, իրանց թիւին համեմատ՝ ըստ օրինի լինեն.
- 25Եւ այծերից մէկ նոխազ մեղքի պատարագ բացի մշտնջենաւոր ողջակէզից նորա հացի նուէրից եւ նորա թափելու նուէրից։
- 26Եւ հինգերորդ օրը ինը զուարակ երկու խոյ, մէկ տարեկան տասնեւչորս անարատ գառներ.
- 27Եւ նորանց հացի նուէրը եւ թափելու նուէրները՝ զուարակների, խոյերի եւ գառների համար, իրանց թիւին համեմատ ըստ օրինի լինեն.
- 28Եւ մէկ նոխազ մեղքի պատարագ բացի մշտնջենաւոր ողջակէզից եւ նորա հացի նուէրից եւ նորա թափելու նուէրից։
- 29Եւ վեցերորդ օրը ութը զուարակ, երկու խոյ, մէկ տարեկան տասնեւչորս անարատ գառներ.
- 30Եւ նորանց հացի նուէրը եւ թափելու նուէրները՝ զուարակների, խոյերի եւ գառների համար, իրանց թիւին համեմատ ըստ օրինի լինեն.
- 31Եւ մէկ նոխազ մեղքի պատարագ բացի մշտնջենաւոր ողջակէզից նորա հացի նուէրից եւ նորա թափելու նուէրներից։
- 32Եւ եօթներորդ օրը եօթը զուարակ, երկու խոյ, մէկ տարեկան տասնեւչորս անարատ գառներ.
- 33Եւ նորանց հացի նուէրը եւ թափելու նուէրները՝ զուարակների, խոյերի եւ գառների համար, իրանց թիւին համեմատ՝ ըստ օրինի լինեն.
- 34Եւ մէկ նոխազ մեղքի պատարագ բացի մշտնջենաւոր ողջակէզից, նորա հացի նուէրից եւ նորա թափելու նուէրից։
- 35Ութերորդ օրը ձեզ համար տօնախմբութիւն լինի, ոչ մի ծառայական գործ չ’անէք։
- 36Եւ Եհովայի համար մատուցանէք ողջակէզ իբրեւ անուշահոտ պատարագ մէկ զուարակ, մէկ խոյ, մէկ տարեկան եօթը անարատ գառներ.
- 37Եւ նորանց հացի նուէրը եւ նորանց թափելու նուէրները՝ զուարակի խոյի եւ գառների համար, իրանց թիւին համեմատ՝ ըստ օրինի լինեն։
- 38Եւ մէկ նոխազ մեղքի պատարագ բացի մշտնջենաւոր ողջակէզից եւ նորա հացի նուէրից եւ նորա թափելու նուէրից։
- 39Այս մատուցանէք Եհովային ձեր տօներումը բացի ձեր ուխտերի եւ ձեր կամաւոր ընծաների ողջակէզներից, հացի նուէրներից եւ թափելու նուէրներից եւ խաղաղութեան զոհերից։
- 40Եւ Մովսէսն ասեց Իսրայէլի որդկանցը այն ամենը ինչ որ Եհովան Մովսէսին պատուիրել էր։