ԹՎՈՑ25
- 1Եւ Իսրայէլը Սատիմումը բնակուեց, եւ ժողովուրդն սկսեց Մովաբի աղջկերանց հետ պոռնկութիւն անել։
- 2Եւ նորանք ժողովրդին հրաւիրեցին իրանց աստուածների զոհերին. Եւ ժողովուրդը կերաւ եւ նորանց աստուածներին երկրպագութիւն արաւ։
- 3Եւ Իսրայէլը Բելփեդովրին յարեց. Եհովայի բարկութիւնը Իսրայէլի վերայ բորբոքուեցաւ։
- 4Եւ Եհովան Մովսէսին ասեց. Առ ժողովրդի բոլոր իշխաններին եւ կախիր նորանց Եհովայի առաջին արեւի դէմ, որ Եհովայի սաստիկ բարկութիւնը Իսրայէլիցը դառնայ։
- 5Եւ Մովսէսն ասեց Իսրայէլի դատաւորներին. Մեռցրէք ամեն մէկդ ձեր մարդկանցը, որ Բելփեդովրին յարեցին։
- 6Եւ ահա Իսրայէլի որդիներից մի մարդ եկաւ եւ իր եղբայրներին մի Մադիանացի կնիկ բերաւ՝ Մովսէսի աչքի առաջին եւ Իսրայէլի որդկանց բոլոր ժողովքի աչքի առաջին, երբոր նորանք ժողովքի խորանի դռանը լալիս էին։
- 7Եւ Ահարօն քահանայի որդի Եղիազարի որդին՝ Փենէհէսը տեսաւ այս, ժողովքի միջիցը վեր կացաւ եւ ձեռքը մի գեղարդ առաւ,
- 8Եւ այն Իսրայէլացի մարդի ետեւից սենեակը մտաւ, եւ երկուսին էլ այսինքն Իսրայէլացի մարդին եւ կնկան փորիցը խոցեց, եւ հարուածը Իսրայէլի որդկանցիցը դադարեց։
- 9Եւ հարուածիցը մեռածները քսանեւչորս հազար հոգի էին։
- 10Եւ Եհովան խօսեց Մովսէսի հետ ասելով.
- 11Ահարօն քահանայի որդի Եղիազարի որդի Փենէհէսն իմ բարկութիւնն Իսրայէլի որդկանցիցը դարձրեց՝ ինձ համար նախանձ ունենալով նորանց մէջ. Եւ ես իմ նախանձովն Իսրայէլի որդկանցը բնաջինջ չ’արի։
- 12Սորա համար ասիր, որ Ահա ես նորան տալիս եմ իմ խաղաղութեան ուխտը.
- 13Եւ նորա համար եւ նորանից յետոյ նորա սերունդի համար յաւիտենական քահանայութեան ուխտ կ’լինի. Որովհետեւ իր Աստուծոյ նախանձը ունեցաւ եւ Իսրայէլի որդկանց համար քաւութիւն արաւ։
- 14Եւ Մադիանացի կնկան հետ զարկուող Իսրայէլացի մարդի անունը Զամբրի էր, Սալուի որդին, որ Շմաւոնեանց մէկ տոհմի իշխանն էր։
- 15Եւ զարկուող Մադիանացի կնկան անունը Քազբի էր՝ Սուրի աղջիկը, որ Մադիամի մէջ ազգատոհմի իշխան էր։
- 16Եւ Եհովան խօսեց Մովսէսի հետ ասելով.
- 17Մադիանացիներին թշնամութիւն արէք եւ նորանց զարկէք.
- 18Որովհետեւ նորանք իրանց արած նենգութիւններովը ձեզ թշնամութիւն արին Փոգովրի գործումը՝ իրանց քոյր Մադիանացի իշխանի աղջիկ՝ Քազբիի գործումը, որ հարուածի օրումը սպաննուեցաւ Փոգովրի համար։